Daptar tukuh Mitulugi Yunani. Gasan daptar diwa matan saban budaya (tamasuk nang ngini), itihi Daptar Diwa.
Gambar | Ngaran | Panjalasan |
---|---|---|
![]() |
Afrodit | Diwi cinta, napsu, kalangkaran, bujukan, wan kahimungan. Saupama dikawinakan lawan Hephaestus inya baisi banyak kakasih, tautama Ares. Inya digambarakan lawan bibinian bungas nang rancak dikawani anaknya, Eros. Lambangnya adalah burung dara, apel, kulimbit karang, wan rangkaian murat. |
![]() |
Apollo | Raja bubuhan Diwa, patatambaan, wabah, ramalan, puisi, wan panahan; diasusiasiakan lawan cahaya, kabujuran, wan matahari. Inya marupaakan dingsanak lalakian Artemis, wan anak Zeus wan Leto. Inya digambarakan lawan bujangan bungas rambut panjang wan mambawa banyak banda tamasuk rangkaian laurel, busur panah, gagak, wan lira. |
![]() |
Ares | Diwa parang, napsu haus darah, kakajaman, kajantanan. Marupaakan anak Zeus wan Hera. Inya digambarakan lawan urang tuha mamakai baju parang, atawa lalakian batilanjang lawan hilm wan tumba. Pakakasnya antara lain baju parang amas wan tumbak baujung parunggu, binatang karamatnya adalah burung hantu, burung hering wan ular babisa. |
![]() |
Artemis | Diwi paburuan, alam liar, binatang liar, karanakan wan wabah. Inya diasusiasiakan lawan bulan. Inya adalah anak Zeus wan Leto, wan dingsanak bibinian Apollo. Dalam sani, inya rancak digambarakan sabagai bibinian anum mamingkuti busur wan anak panah. Salain panah, pakakasnya jua adalah tumbak baburu, kulimbit binatang, minjangan wan binatang liar lainnya. Inya adalah diwi parawan. |
![]() |
Athena | Diwi kabijaksanaan, parang, rancana, usaha, karajinan tangan, wan akal pikiran. Marupaakan anak Zeus wan Metis, inya diranakakan matan kapala Zeus lawan bibinian tuha lawan pakaian parang. Inya digambarakan mamakai hilam basabit, mamingkuti tumbak wan parisai aegis. Simbulnya adalah aegis, burung hantu wan puhun jaitun. Inya adalah diwi parawan. |
![]() |
Demeter | Diwi kasuburan, patanian, pakabunan, wan pangataman. Demeter adalah anak Kronos wan Rhea wan dangsanak bibinian Zeus, nang matannya inya maranakakan Persefon. Inya digambarakan lawan bibinian tuha bamahkuta nang mambawa saikat gandum wan suluh. Simbulnya adalah Kornukopia, ular bahalar wan tungkat lotus. |
![]() |
Dionisos | Diwa anggur, karasminan wan turai, kagilaan, mauk, wan kahimungan. Inya digambarakan dalam sani sabagai lalakian tuha bajabis atawa lalakian anum barambut panjang. Simbulnya adalah thyrsus (tongkat baujung camara), cangkir minum, tanaman anggur, wan mahkuta Hedera. Dalam babarapa pirsi, inya manggantiakan Hestia. |
![]() |
Hades | Raja dunia bawah wan diwa kamatian, urang mati, wan harta dalam bumi. Bininya ialah Persefon wan simbulnya adalah kunci Hades, hilim kakadapan, wan Kerberos. Saupama marupaakan anak Kronos wan Rhea wan dingsanak tuha Zeus, inya jarang dimasukakan dalam kalumpuk diwa Olimpus. |
![]() |
Hefaistos | Diwa api, panitikan, sani hampatung, wan gunung barapi. Inya adalah diwa nang babatis kuntung. Marupaakan anak Hera malalui partenogenesis. Inya adalah laki Afrodit. Inya rancak digambarakan lawan lalakian bajabis nang mamingkuti tukul wan pakakas panitikan. Simbulnya adalah tukul, palangkung, wan wasi landasan. |
![]() |
Hera | Ratu bubuhan diwa wan marupaakan diwi pakawinan, bibinian, karanakan, pawaris, raja, wan karajaan. Inya adalah anak Kronos wan Rhea wan dingsanak tuha bibinian Zeus. Inya rancak digambarakan bibinian bungas mamakai mahkuta wan mamingkuti tungkat baujung lotus. Simbulnya adalah mahkuta, tungkat lutus, marak, kakatua, burung kukuk, wan buah delima. |
Hermes | Diwa pajalanan, pambawa pasan, padagangan, pancuntanan, dustaan, basa, tulisan, diplumasi, atlitik, wan pataranakan. Inya adalah pambawa pasan bubuhan diwa, pamandu nang mamandu ruh urang mati manuju dunia bawah, wan marupaakan anak lalakian Zeus wan Maia. Inya digambarakan lawan lalakian anum bungas wan atlitis atawa digambarakan lawan lalakian tuha bajabis. Pakakasnya maliputi tungkat Kadukeus, sandal bahalar, wan tupi pailang. | |
![]() |
Hestia | Diwi parapian, rumah, wan mamasak. Inya adalah anak Kronos wan Rhea wan dingsanak bibinian Zeus. Inya adalah diwi parawan. Inya digambarakan lawan bibinian basarudung wan simbulnya adalah parapian wan kitil. Dalam babarapa pirsi inya manjulung tampatnya di Olimpus lawan Dionisos. |
![]() |
Poseidon | Diwa laut, sungai, baah, kakaringan, lindu, wan kuda; dipinandui lawan "Pangguncang Bumi" atawa "Pambawa Badai'". Inya adalah anak Kronos wan Rhea wan jua kaka Zeus wan Hades. Dalam sani kalasik, inya digambarakan lawan lalakian tuha bajanggut lawan baawak ganal mamingkuti tarisula. Simbulnya adalah tarisula, lulumba, wan kuda. |
Zeus | Raja bubuhan duwa, panguasa Olimpus wan diwa langit, cuaca, patir, hukum, wan takdir. Inya adalah anak paanumnya matan Kronos wan Rhea, nang inya kalahakan. Inya adalah ading wan lakinya Hera. Dalam sani inya digambarakan sabagai lalakian tuha bajanggut wan baawak ganal. Simbolnya adalah patir, tungkat karajaan wan burung halang. |